မြန်မာ့ဘောလုံးအားကစားကိုဆုကြေးစားစနစ်သို့
ပြောင်းလဲလိုက်ပြီးနောက် မြန်မာ့လက်ရွေးစင် ဘောလုံးအသင်းအတွက် ရှုံးချက်နာသော
ပွဲစဉ်တစ်ပွဲ ရှိခဲ့သည်။ ၂၀၁၀ ဆူဇူကီးဖလားပြိုင်ပွဲ၏ အုပ်စု အဖွင့်ပွဲစဉ်တွင်ဒေသတွင်း
ပြိုင်ဘက် ဗီယက်နမ်အသင်းကို (၁-၇) ဂိုးဖြင့် ဂိုးပြတ်ခြေပြတ် ရှုံးနိမ့်ခဲ့သော
ပွဲစဉ်ဖြစ်သည်။ အဆိုပါပွဲစဉ်သည် ဆုကြေးစားစနစ်သို့ ပြောင်းလဲလိုက်ပြီးနောက်
နှစ်နှစ်ခန့်အကြာတွင် ယှဉ်ပြိုင်ခဲ့ရသော ပွဲစဉ်ဖြစ်ပြီး မြန်မာဘောလုံးအသင်း၊
မြန်မာ ဘော လုံး အား ကစား တိုးတက်ရေးအတွက် လုပ်ဆောင်နေကြသော အဖွဲ့ချုပ်၊
မြန်မာလိဂ် ကလပ်အသင်းပိုင်ရှင်များ အတွက်သာမက မြန်မာပရိသတ်များအတွက်ပါ
မျက်နှာပျက်စရာပွဲစဉ် ဖြစ်ခဲ့သည်။
အာဆီယံဒေသတွင်း
လက်ရွေးစင်အသင်းများ၏ အဆင့်မြင့်ဆုံး ပြိုင်ပွဲဖြစ်သည့် ၂၀၁၂ ဆူ ဇူ ကီး ဖလားပြိုင်ပွဲ၏
နောက်ဆုံးအဆင့် ပွဲစဉ်များကို လာမည့် နိုဝင်ဘာလအတွင်း၌ ထိုင်းနိုင်ငံနှင့် မလေး ရှားနိုင်ငံများက
အိမ်ရှင်အဖြစ် လက်ခံကျင်းပသွားမည်ဖြစ်ပြီး မြန်မာအသင်းကို စောင့်ကြိုနေပြီ ဖြစ်သည်။သို့သော်
မြန်မာအသင်းမှာ ပြီးခဲ့သည့် ၂၀၁၀ ပြိုင်ပွဲ၌ နိုင်ပွဲမရရှိခဲ့ဘဲ
အုပ်စုနောက်ဆုံးတွင် ရပ်တည်ခဲ့သောကြောင့် ယခုနှစ် ပြိုင်ပွဲအတွက် ခြေစစ်ပွဲအဆင့်မှ
စတင်ယှဉ်ပြိုင်ရမည် ဖြစ်သည်။
ခြေစစ်ပွဲအဆင့်တွင်
မြန်မာအသင်းသည် လာအို၊ ကမ္ဘောဒီးယား၊ ဘရူနိုင်း၊ တီမောအသင်းများနှင့်
ရင်ဆိုင်ရမည်ဖြစ်ပြီး အဆိုပါပွဲစဉ်များကို အောက်တိုဘာလ ၅ ရက်မှ ၁၃ ရက်အထိ
ရန်ကုန်မြို့တွင် လက်ခံကျင်းပသွားမည် ဖြစ်သည်။ အဆိုပါ ခြေစစ်ပွဲစဉ်များကို
အုပ်စုပတ်လည်ပုံစံဖြင့် ယှဉ်ပြိုင်ကစားရမည်ဖြစ်ပြီး အမှတ်အများဆုံး နှစ်သင်းသည်
နောက်ဆုံးအဆင့် ပွဲစဉ်များသို့ တက်ရောက်ခွင့် ရရှိမည်ဖြစ်သည်။
ခြေစစ်ပွဲမှ
အုပ်စုပထမရ အသင်းသည် ထိုင်း၊ ဗီယက်နမ်၊ ဖိလစ်ပိုင်အသင်းများ ပါဝင်မည့်
အုပ်စု(က)တွင် ကျရောက်မည်ဖြစ်ပြီး ခြေစစ်ပွဲဒုတိယအသင်းသည် မလေးရှား၊
အင်ဒိုနီးရှား၊ စင်ကာပူအသင်းများ ပါဝင်သည့် အုပ်စု(ခ)သို့ ကျရောက်မည်ဖြစ်သည်။
အဆိုပါ နောက်ဆုံးအဆင့် ပွဲစဉ်များကို နိုဝင်ဘာလ ၂၄ ရက်မှ ဒီဇင်ဘာလ ၂၂ ရက်အထိ
ကျင်းပမည်ဖြစ်သည်။ မြန်မာအသင်းအနေဖြင့် ၂၀၁၀ အုပ်စုတွင်း ပြိုင်ဘက်များကို
ပြန်လည်ချေပခွင့် ရရှိနိုင်ရန် ပထမအဆင့် ခြေစစ်ပွဲကို ဖြတ်ကျော်ရဦးမည်ဖြစ်သည်။
မြန်မာအသင်းသည် ၁၉၉၈ ခုနှစ် ပြိုင်ပွဲတွင်လည်း ခြေစစ်ပွဲဝင်ခဲ့ရဖူးပြီး ထိုစဉ်က
လာအို၊ ဘရူနိုင်းအသင်းများကို ဖြတ်ကျော်ကာ နောက်ဆုံးအဆင့်သို့
တက်ရောက်ယှဉ်ပြိုင်ခွင့် ရရှိခဲ့သည်။
လက်ရှိ
မြန်မာလက်ရွေးစင်အသင်းကို ပြီးခဲ့သည့် အာရှယူ-၂၂ အသင်း ခြေစစ်ပွဲအောင် မြန်မာ
ယူ-၂၂ အသင်းကို ကိုင်တွယ်ခဲ့သူ ကိုရီးယားလူမျိုး ပတ်ဆောင်ဟွာက
ဆက်လက်ကိုင်တွယ်နေပြီး ကစားသမားများသည်လည်း ယူ-၂၂ အသင်းမှ ကစားသမားအများစုနှင့်
အတွေ့အကြုံရှိ လူဟောင်းများကို စုစည်းထားခြင်းဖြစ်သည်။ လက်ရှိ အခြေအနေအရ
မြန်မာအသင်းသည် ခြေစစ်ပွဲစဉ်များကို အိမ်ရှင်အဖြစ် လက်ခံကျင်းပခြင်း၊ ခြေစစ်ပွဲအောင်
အရေအတွက် နှစ်သင်းဖြစ်ခြင်း၊ ခြေစစ်ပွဲဝင် ပြိုင်ဘက်များ၏ အနေအထားအရ ခြေစစ်ပွဲကို
ကျော်ဖြတ်နိုင်မည်ဖြစ်ကြောင်း လေ့လာသူများနှင့် ပရိသတ်များက သုံးသပ်ကြသည်။
သို့သော်
နည်းပြချုပ် ပတ်ဆောင်ဟွာအနေဖြင့်မူ ခြေစစ်ပွဲဝင် ပြိုင်ဘက်များကို အထင်မသေးရန်
ကြိုတင်စွာ သတိပေးထားခဲ့ပြီး မြန်မာအသင်းအနေဖြင့် မည်သည့်အသင်းကိုဖြစ်စေ အလွယ်တကူ
အနိုင်ရရှိရန် မျှော်လင့်မထားသင့်ကြောင်း ဆိုထားသည်။ မြန်မာအသင်းသည် ယခု
ခြေစစ်ပွဲမတိုင်ခင် စင်ကာပူအသင်းနှင့် ရန်ကုန်တွင် ခြေစမ်းပွဲ ယှဉ်ပြိုင်ကစားထားကာ
တစ်ဂိုးစီ သရေကျထားခဲ့ပြီး ဂျပန်နိုင်ငံသို့လည်း ခြေစမ်းပွဲများ
သွားရောက်ယှဉ်ပြိုင် ကစားခဲ့သည်။ ဂျပန်ခရီးစဉ်အတွင်း ခြေစမ်းပွဲငါးပွဲစလုံး၌
ရှုံးနိမ့်ထားခဲ့သော်လည်း ယှဉ်ပြိုင်ဘက် အသင်းများသည် အဆင့်မြင့်သည့်
အသင်းများဖြစ်သည့်အတွက် အတွေ့အကြုံကောင်းများနှင့် အကျိုးရှိစေမည်ဖြစ်ကြောင်း
လေ့လာသူများက သုံးသပ်သည်။
“ခြေစစ်ပွဲစဉ်တွေ
ဝင်ရတာလည်း အကောင်းဘက်က ကြည့်မယ်ဆိုရင် နောက်ဆုံးအဆင့်ပွဲစဉ်တွေ မတိုင်မီ
ခြေစွမ်းစမ်းသပ်လို့ ရနိုင်တာပေါ့။ ခြေစမ်းပွဲနဲ့ ပြိုင်ပွဲဆိုတာက မတူဘူးလေ။
ခြေစစ်ပွဲတွေမှာ အသင်းတွေက ပြိုင်ပွဲအသွင် ယှဉ်ပြိုင်ကြမှာဆိုတော့
မြန်မာအသင်းအနေနဲ့ ကြားထဲမှာ ခြေစမ်းပွဲတွေ ယှဉ်ပြိုင်ကစားတာထက်
ပိုအကျိုးရှိစေနိုင်မယ်လို့ ထင်ပါတယ်”ဟု ၀ါရင့်အားကစားကလောင်ရှင်
ဦးခင်မောင်ထွေး(ပျဉ်းမနား)က ဆိုသည်။လက်ရှိ မြန်မာ့လက်ရွေးစင်အသင်းတွင် ရှေ့တန်း တိုက်
စစ် မှူးအများစု ဒဏ်ရာရရှိနေမှုများ ရှိနေခြင်း၊ ပြီးခဲ့သည့် မြန်မာလိဂ်တွင် ပြည်တွင်းတိုက်စစ်မှူးများထဲမှ
ဂိုးအများဆုံးသွင်းထားသည့် စိုးမင်းဦးအနေဖြင့် လက်ရွေးစင်စာရင်းတွင်
မပါရှိခြင်းတို့က ဂိုးရရှိရန် ရုန်းကန်ရဖွယ်ရှိကြောင်းလည်း လေ့လာသူများက ဆိုသည်။
အိမ်ရှင်အခွင့်အရေး ရှိနေသော်လည်း ရန်ကုန်မြေ၌ ကျင်းပခဲ့သည့် ပြီးခဲ့သည့် AFC
Challenge Cup ခြေစစ်ပွဲတွင် မြန်မာအသင်းသည် ဖိလစ်ပိုင်၊ ဘင်္ဂလားဒေ့ရှ်၊
ပါလက်စတိုင်းအသင်းများနှင့် ယှဉ်ပြိုင်ခဲ့ရာတွင် နိုင်ပွဲမရခဲ့ဘဲ အုပ် စု နောက်ဆုံးနေရာတွင်
ရပ်တည်ခဲ့မှုများကလည်း မြန်မာပရိသတ်များအတွက် အမှတ်ရစရာများ ဖြစ်နေဆဲဖြစ်သည်။ သို့သော်
ကိုရီးယားနည်းပြ၏ လက်ထက်တွင် မြန်မာဘောလုံးသမားများ အနေဖြင့် ကစားအား၊
ကြံ့ခိုင်မှုအား ပိုမိုတိုးတက်လာပြီး လာမည့်ခြေစစ်ပွဲစဉ်အား ကျော်ဖြတ်နိုင်မည်ဟု
ယေဘုယျ သုံးသပ်ကြသော်လည်း ရန်ကုန်တွင် ကျင်းပမည့် ယခုခြေစစ်ပွဲစဉ်တွင်
အခြားအရေးကြီးသော အချက်ရှိနေသေးသည်။ ၂၀၁၁ ခုနှစ်က မြန်မာ-အိုမန် ကမ္ဘာ့ဖလားခြေစစ်ပွဲ
ဒုတိယအဆင့်တွင် တစ်ကြိမ်၊ ယခုနှစ် အာရှယူ-၂၂ ခြေ စစ်ပွဲ စဉ် များ တွင် တစ်ကြိမ်
ပရိသတ်အချို့၏ စည်းကမ်းမဲ့ အားပေးမှုများကြောင့် မြန်မာနိုင်ငံဘောလုံးအဖွဲ့ချုပ်အား
ဒဏ်ငွေပြစ်ဒဏ်များ ချမှတ်ခံခဲ့ရပြီး နောင်လာမည့် ခြေစစ်ပွဲစဉ်သည်
မြန်မာပရိသတ်များ၏ စည်း ကမ်း ရှိမှုကို
ပြန်လည်ပြသရန် လိုအပ်လာပြီဖြစ်သည်။
မြန်မာ-အိုမန်ပွဲစဉ်တွင်
ပရိသတ်များကြောင့် ပွဲပျက်ခဲ့ရသည်အထိ အခြေအနေ ဆိုးခဲ့သော်လည်း အာရှ ယူ-၂၂
ပွဲစဉ်များတွင်မူ ပွဲကြည့်စင်၌ မီးရှူးများ ထွန်းညှိအားပေးခြင်းအတွက် ဒဏ်ငွေများ
ချမှတ်ခံရခြင်းမှာ ပရိသတ်များအား အဖွဲ့ချုပ်မှ စည်းကမ်းချက်များ
ပညာပေးမှုအပိုင်းတွင် အားနည်းခဲ့မှုကြောင့်ဖြစ်ကြောင်း လေ့လာသူများကဆိုသည်။
“ကိုယ့်အသင်းနိုင်လို့
အောင်ပွဲခံတဲ့အခါမှာ ပွဲကြည့်စင်ပေါ်မှာ မီးရှူးထွန်းပြီး အားပေးရင်
ဒဏ်ငွေချမှတ်ခံရတယ်ဆိုတာ တကယ်မသိပါဘူး။ အဲလိုသိထားရင် ဘယ်လုပ်ပါ့မလဲ။ ဒါကြောင့်
ပရိသတ်တွေအနေနဲ့ ဘယ်လိုမျိုးအားပေးရင် ပြစ်ဒဏ်ချမှတ် ခံရနိုင်တယ်ဆိုတဲ့
စည်းကမ်းမျိုးကို အဖွဲ့ချုပ်အနေနဲ့ ကြိုတင်ထုတ်ပြန် ပညာပေးမှုတွေ
ပြုလုပ်ထားသင့်ပါတယ်”ဟု ပရိသတ်တစ်ဦးကပြောသည်။
ယခုခြေစစ်ပွဲစဉ်အတွက်
ကွင်းဝင်လက်မှတ်များကို အာဆီယံဘောလုံးအဖွဲ့ချုပ်နှင့် တရားဝင် လက်မှတ်အရောင်းကိုယ်စားလှယ်
ရရှိထားသော ထိုင်းနိုင်ငံမှ တာဝန်ယူ ဆောင်ရွက်မည် ဖြစ်သည့်အတွက် ကွင်းအတွင်းသို့
လာရောက်အားပေးမည့် ပရိသတ်များအတွက် လက်မှတ်ဝယ်ယူမှုအပိုင်းတွင် စနစ်ကျလာမည်ဟု
မျှော်လင့်ရသည်။
ထို့အပြင်
မြန်မာအသင်းပွဲစဉ်များကို တစ်နိုင်ငံလုံးမှ ရုပ်သံပရိသတ်များ အားပေးနိုင်ရန်
မြန်မာ့ရုပ်မြင်သံကြား (MRTV)မှ တိုက်ရိုက်ထုတ်လွှင့် ပြသပေးသွားမည်ဖြစ်သည်။
ကမ္ဘာ့အဆင့်သတ်မှတ်ချက်များ တဖြည်းဖြည်း ကျဆင်းလာနေသော မြန်မာ့လက်ရွေးစင်
ဘောလုံးအသင်း၏ ခြေစွမ်းနှင့် ဂုဏ်သိက္ခာအတွက်သာမက အိမ်ရှင်ပရိသတ်များအတွက်
စည်းကမ်းရှိမှုကို မှတ်ကျောက်တင်ရန် ဆူဇူကီးဖလား ခြေစစ်ပွဲစဉ်များက စောင့်ကြိုနေပြီ
ဖြစ်သည်။
.jpg)
