အပြန်အလှန် နားလည်မှုတွေနဲ့ တည်ဆောက်ထားရာ နိုင်းနိုင်းတို့ မိသားစုကမ္ဘာ

အောက်တိုဘာ ၁၆ရက်နေ့မှာတော့ နိုင်းနိုင်း မိသားစုက တီဗီကြော်ငြာ တစ်ခုကို ပါဝင်သရုပ်ဆောင် ရိုက်ကူးပေးနေပါတယ်။ ရိုက်ကွင်းပေါ်မှာ ၃နှစ်အရွယ် သမီးကြီး   မြနန္ဒီချို၊ ၁နှစ်နဲ့၂လသားအရွယ် သားငယ်အန်ဒါဆန် ချိုလတ်နဲ့ကိုယ်ဝန် ၇လလွယ်ထားတဲ့ စန္ဒီချိုနဲ့ နိုင်းနိုင်းတို့ရဲ့ ကြည်နူးပျော်ရွှင်စရာ မိသားစု ဘဝလေးကိုလည်း စိတ်ရွှင်လန်းဖွယ် မြင်တွေ့ခဲ့ ရပါတယ်။ ခုလို သာယာပျော်ရွှင်တဲ့ မိသားစု ဘဝကို ပိုင်ဆိုင်ထားတဲ့ အကြောင်းအရင်း ကိုမေးတော့ နိုင်းနိုင်းက…”အိမ်ထောင် တစ်ခုမှာ အရေးကြီးဆုံးက တစ် ယောက်နဲ့ တစ်ယောက် အပြန်အလှန် မေတ္တာထားနိုင်ရ မယ်။ နားလည်မှုရှိရမယ်။ ပေးဆပ်နိုင်စွမ်းရှိရမယ်။ အချိန် ပေးနိုင်မှုတွေ၊ ဂရုစိုက်မှုတွေ အများကြီးလို ပါတယ်။ ဂရုမစိုက်ရင်လည်း ပျော်စရာ မကောင်းပါဘူး။ နားလည်မှု မရှိရင်လည်း ပျော်စရာမကောင်းဘူး။ အလုပ်ကိုလည်း အချိန်ပေးတယ်။ အလုပ်ချိန် ပြီးရင် အရေး ကြီးတဲ့လူမှုရေးကိစ္စတွေပြီးရင် ကျန်တာအားလုံး မိသားစုကိုပဲ အချိန်ပေးဖြစ်တယ်” လို့ ပြောပါတယ်။ ဇနီးဖြစ်သူကလည်း အမြဲနားလည်မှု ပေးတတ်ပြီး သူ့ရဲ့ ဇာတ်ကားတွေကို ကြည့်ပြီး အမြဲဝေဖန် အကြံဥာဏ်ပေးတတ်ကြောင်း ပြောပါတယ်။ ကလေးတွေကိုမိဘနှစ်ဦး စလုံးမျှ ပြီးထိန်းကျောင်းသလို၊ ကလေးတွေ ကလည်း အရွယ်သိပ် မကွာတဲ့ အခါ နှစ်ဆပိုပင်ပန်းတဲ့အတွက် တစ်ယောက်တည်း ထိန်းကျောင်းဖို့မလွယ်ဘဲ မိဘနှစ်ဦး စလုံးပဲ အချိန်ရရင်ရသလို ထိန်းကျောင်းကြ   ကြောင်း ပြောပါတယ်။ ကလေးတွေကို အသားနာအောင် ရိုက်တာထက် အသိဥာဏ်တွေပေးပြီး ထိန်းကျောင်းချင်ကြောင်း ပြောတဲ့ နိုင်းနိုင်းက “အခုအချိန်မှာ ကလေး   တွေက ငယ်သေးတော့ အန္တရာယ် မဖြစ် အောင်လောက်ပဲ ဂရုစိုက်ပေးတာပဲရှိတယ်။ သိတတ်တဲ့ အရွယ်ရောက်ရင်တော့ သူတို့ကို အသိ ပညာတွေ သင်ပေးရမှာပေါ့။ ကလေးတွေကို ကျွန်တော်က အသားနာ အောင်ရိုက်တာထက် ဦးနှောက်ထဲအသိပညာဝင် အောင်လုပ်ပေးတာက ပိုကောင်းမယ်လို့ ထင်တယ်။ ကျွန်တော် ကတော့ ကလေး တွေကို အသိဥာဏ်တွေ ပေးမယ်လို့ ဆုံးဖြတ်ထားတယ်။ ရိုက်မှ ကြောက်တာထက် ကိုယ့်အသိစိတ်ဓာတ်နဲ့ ကိုယ်သိလို့ မလုပ်တာပိုကောင်းတယ်”လို့ ကလေးတွေကို ထိန်း ကျောင်းသွားမယ့် နည်းလမ်းကိုလည်း ပြောပြခဲ့ပါတယ်။