မိသားစုကို အချိန်ပေးရင်း အပန်းဖြေခရီးအဖြစ် စင်ကာပူကို စက်တင်ဘာ
၁၉ ရက်နေ့က သွားခဲ့တဲ့ လူမင်းတို့ မိသားစုက ၂၃ ရက်နေ့ မှာ ပြန်ရောက်ခဲ့ ပါတယ်။ မိသားစု အပန်းဖြေခရီး အဖြစ် ပထမဆုံး ဖြစ်တာကြောင့် သားနဲ့သမီးက တအား လည်း ပျော်သလို ကိုယ်တိုင်ကလည်း စိတ်ကျေနပ် ပျော်ရွှင်ရတယ် လို့ဆိုတဲ့ လူမင်းကို ခရီးစဉ်နဲ့ ပတ်သက်ပြီး မေးကြည့် ဖြစ်တော့ ..”စင်ကာပူကို သွားတာ က အသုံးစရိတ် နည်းနည်း ကြီးပေ မယ့် သွားရလာရတာ ကောင်း တယ်။ ယူနီဗာဆယ် စတူဒီယို၊ ဆန်တိုဆာ တို့ဆိုတာ ကလးတွေ ကိုပို့လို့ကောင်းတဲ့ နေရာလည်း ဖြစ်တယ်။ ဒါပေမဲ့ အခုတောင်မှ သားနဲ့သမီးက ငယ်သေးတယ်။ သားဆို လေယာဉ်ပေါ်မှာ သူ့အတွက် ခုံသက်သက် ထိုင်ခိုင်းဖို့က ခက်သေး တယ်။ နိုင်ငံခြား ခရီးသွားဖို့ ငယ်သေး တယ်။ အနည်းဆုံး၆နှစ်၊ ၇နှစ် လောက် သိတတ် တဲ့ အရွယ်မှ သွားတာကောင်းတယ်။ ကိုယ်ကလည်း မအားတာနဲ့ ကလေး တွေနဲ့သွားဖို့ ဒီရက်ကို မဖြစ်ဖြစ်အောင် သွားလိုက်တာ။ အလုပ်များတဲ့ သူ ဆိုတော့ မိုးလင်းသွား၊ မိုးချုပ်ပြန် ဆိုတော့ တစ်ခါတလေ မတွေ့ရဘူး။ “အခု သွားတော့ အဖေ၊ အမေကို တအား ကပ်တယ်။ မိဘတွေနဲ့ သွားတာ တအားပျော် ကြတယ်။ မိသားစုလိုက် ခရီးသွားရ တာလောက် ပျော်စရာ ကောင်းတာ မရှိဘူး” လို့ ပြောပြပါတယ်။ သမီးဖြစ်သူ ဧရာဝတီ လူမင်းက ဈေးဝယ်ထွက်တဲ့ အခါသူ့ စိတ်ကြိုက် အင်္ကျီ၊ အရုပ်၊လွယ်အိတ် တွေကို ကိုယ်တိုင် ဝယ်ဝတ် တယ်လို့လည်း ပြောပြ ပါတယ်။ စက်တင်ဘာ ၂၃ ရက်နေ့ ခရီးက ပြန်ရောက် တဲ့နေ့မှာ ဧရာဝတီ လူမင်းရဲ့ ၄နှစ် ပြည့် မွေးနေ့ဖြစ်တာ ကြောင့် အိမ်မှာပဲ မိသားစုတွေနဲ့ မွေးနေ့ပွဲလေး လုပ်ဖြစ်တယ် လို့လည်း ပြောပြပါတယ်။ “သမီးက ဒီမရောက်ခင်ကတည်း က သူလို ချင်တဲ့ Sedona က မွေးနေ့ကိတ်၊ ပန်းစည်းကို ကြိုပြီးမှာ ထားတယ်။ သမီးကို ဘာလိုချင် လဲဆိုတော့ စင်ကာပူ မှာကတည်းက အသည်းပုံ ဆွဲကြိုး၊ လက်စွပ်၊ လက်ကောက် ဝယ်ပေး ဖို့ပြောထားတာ။ ဒီပြန်ရောက်တော့ အဲဒီနေ့က မဝယ်ပေး ဖြစ်ဘူး။ ဒါပေမဲ့ သမီးက စင်ကာပူ မှာ”ဝယ် လာ တာ များသွားပြီ။ မဝယ်ပေး နဲ့တော့” လို့ပြောတယ်။ "သိတတ် တာပေါ့” လို့ ပြောပြ ပါတယ်။ အပန်းဖြေ ခရီးစဉ် အဖြစ် စင်ကာပူကို သွားဖို့ အတွက် ၁လ လောက် ထဲက ကားရိုက်တွေ၊ အလုပ်တွေကို ရွှေ့ထားပြီး ဒီခရီးစဉ် အတွက်နောက်သွားမယ့် တရုတ် ပြည် ခရီးစဉ် ကိုတောင် လက် လွှတ်ပြီး သွား လိုက်ရတယ်လို့ ပြောပြခဲ့ပါတယ်။
0 comments:
Post a Comment